Hedkwatar Tsaron Amurka Ta Shaida Wa 'Ƴan Majalisar Dokokin Ƙasar Ranar Alhamis Cewa A HukumanceBa Su Bai Wa Dakarun Amurka Umarnin Barin Ƙasar Ba

By -

 Hedkwatar Tsaron Amurka Ta Shaida Wa 'Ƴan Majalisar Dokokin Ƙasar Ranar Alhamis Cewa A Hukumance Sojojin Nijar Ba Su Bai Wa Dakarun Amurka Umarnin Barin Ƙasar Ba, Tana Mai Cewa Ta Samu Bayanai Masu Harshen-Damo Kan Matakin Korar Dakarun Nasu Daga Nijar.



Celeste Wallander, mataimakiyar sakataren tsaron Amurka kan ƙasashen duniya, ta shaida wa Kwamitin Harkokin Sojoji na Majalisar Wakilan ƙasar cewa a hukumance kawo yanzu gwamnatin sojojin Nijar, wadda aka fi sani da CNSP, ba ta umarci sojojin Amurka su fita daga ƙasar ba.

Wallander ta ce gwamnatin sojin Nijar ta soke yarjejeniyar da ta bai wa dakarun Amurka damar zama a ƙasar. Amma ta ce sojojin sun "tabbatar mana cewa za a kare lafiyar dakarun Amurka kuma ba za su ɗauki wani mataki da zai cutar da su ba.”

Amurka tana da dakaru kusan 650 tare da ɗaruruwan masu taimaka musu a Nijar, inda suke yaƙi da ta'addanci. Sai dai a watan Yulin da ya gabata sojoji sun kifar da gwamnatin dimokuraɗiyya sannan daga bisani suka kori dakarun Faransa daga ƙasar.

Wallander ta ce Amurka tana yin nazari kan wasu hanyoyi na ci gaba da yaƙi da ta'addanci a yankin.

Yawancin dakarun Amurka da ke Njar suna zaune ne a sansani guda ɗaya kuma suna ci gaba da gudanar da aiki da jirage marasa matuƙa, ko da yake suna yin hakan ne da zummar bai wa kansu kariya, a cewar mataimakiyar kakakin hedkwatar tsaron Amurka Sabrina Singh.

“Ana ci gaba da tattaunawa da gwamnatin soji ta CNSP domin samun mafita,” in ji Singh.

Comments

Post a Comment

Popular posts from this blog

Yanzu-Yanzu: Babbar kotun koli Ta Kasa Nigeria Ta Umarci Jam'iyyar PDP Ta Bai wa Tsohon Gwamnan Jigawa Daman Fitowa Takarar Shugabanci Jam'iyyar.

By -
Image
Kafofin sada zumunta da yada labarai sun ruwaito Mai Shari'a Peter Odo Lifu yace wannan babban kuskure ne PDP ta hana Sule Lamido damar sayen tikitin takarar Jam'iyyar. Har ila yau, babban kotun  ta sake  umartan  PDP ta dakatar da taron da za ayi ranar Asabar saboda rashin shirya wajen wallafa jadawalin taron a kan Kari) lokaci domin a sanar da 'ya'yanta kamar yadda dokar zaɓe ta tanada daya bayan daya. Kuma an kara da cewa lallai wannan shine  umarnin babban kotun Kasa na uku da ke hana Jam'iyyar PDP yin taron, wanda zai ba ta damar zaɓen sababbin shugabanni a mataki na ƙasa. A ra'ayina wannan sam bai dace ba a hana sule lamido neman tikitin neman kujerar shugaban Jam'iyyar PDP. Saboda da shima dan kasa ne yana da damar Yafito takarar a kowacce Jam'iyyar yake so .
Read more

Abun-Mamaki: Wajen Jana'izar Sheik Dahiru Usman Bauchi /Sababbin kabarai na hausa EagleNewsHausa

By -
Image
La'ilaha Illalahu Muhammadu Rasulillahi Salallahu Alaihi Wasallama. Kamar yadda kuke gani Kai tsaye daga jihar Bauchi wajen da za ayi jana'izar maulan Sheik Dahiru Usman Bauchi. Wallahi duk wnada yatsaya ma Allah zai tsaya mai bama kawa Dan Allah dubu taron dandazon al'umma duk sun tarune domin gabbatar da jana'izar maulana a wani babban masallacin idi dake Bauchi. Allah ubangiji yabamu albarkarsu tadu tayi kyau Allah ka Karbi bakuncinsa kayi mashi kyakyawan masauki ka hadashi da manzon rahama
Read more

Ana Wata Ga Wata: 'Yan Bindiga Sunyi Garkuwa Da Mata 12.

By -
Image
Wannan lamari dai ya kara dagula hare-haren da kungiyoyi masu dauke da makamai ke ci gaba da kai wa a wasu jihohin arewacin kasar. Wasu da ake zargin mayakan Boko Haram ne sun yi garkuwa da wasu mata 12 a gundumar Mussa da ke karamar hukumar Askira-Uba a jihar Borno. Rahotanni sun ce an dauke su ne yayin da suke dawowa daga gonakinsu da yammacin ranar Asabar.   Jami’in hulda da jama’a na ‘yan sandan, Nahum Daso, ya tabbatar da faruwar lamarin ga gidan talabijin na Channels a ranar Lahadi. Daso ya bayyana cewa rundunar ta fara gudanar da bincike kan lamarin. Ya ce, “A jiya an yi garkuwa da wasu mata 12 da suke dawowa daga gonakinsu a Askira-Uba, wadanda ake zargin ‘yan Boko Haram ne suka yi.   "Har yanzu ba a fayyace cikakkun bayanai ba, amma ana kokarin," in ji PPRO. Wannan sace-sacen ya kasance na baya-bayan nan a jerin hare-haren da kungiyoyi masu dauke da makamai ke kaiwa a wasu jihohin arewacin kasar.
Read more